Skip to main content

සිංහලයා පට්ට අවුල් වී සුද්දා පට්ටම පට්ට වීම

මේ දවස්වල ෆේස්බුක් එකේ අලුත්ම ට්‍රෙන්ඩ් එක සුද්දොන්ගෙ* ගුණ වැයීමයි. සුද්දෝ නං පට්ටම පට්ටය, උන් වගේ වෙන්න අපිටනං මේ කපේදීවත් බැරිය - පන්නයේ කතාය (මගේ ලේ කෝප කරපු පෝස්ටුව මෙතැනින් දැම්මා. ඕන් බලන්නකෝ.).

රට්ටු කියන කතා. ගත්තේ Sri Lankan Blood (Facebook)

 මේ වගේ ප්‍රලාප කියවන උදවිය එක්කෝ ෆිල්ම් බලලා සුද්දෝ ගැන නිගමන වලට ආපු අයයි. එහෙම නැත්තං ලංකාවට ආ ටුවරිස්ට්ලා දෙතුන් දෙනෙක් දිහා බලලා නිගමන වලට ආපු අයයි. පිටරටක මාස තුන-හතරක් ජීවත් වෙච්චි ඈයෝ සුද්දොන්ගේ ඔය කියන තරම් මෙව්වා එකක් නැතිබව හොඳාකාරවම දනිති!

ඇත්තෙන්ම කිව්වොත්, ලංකාවේ සාමාන්‍ය මිනිහෙක් සුද්දෙක්ට වඩා හොඳ ජීවන මට්ටමක් පවත්වන් යන බව මගේ හැඟීමයි. ලංකාවේ සාමාන්‍ය ආදාමක් ලබන මනුස්සයෙක් දෙයියනේ කියලා ඉඩමක් අරන් දාලා තට්ටුවක දෙකක ගේ කෑල්ලක් හදාගන්නෙ නැද්ද? ඔහොම දෙයක් පිටරටක කරන්න සෑහෙන සල්ලියක් හම්බකරන්න ඕනය.උන් එහෙම නොකරන්නේ බැරිකමකට මිසක් අල්පේච්ඡතාවයක් හින්දා නොවන බවයි මගේ වැටහීම. වෙඩින් එකක් ගත්තත් ඔච්චරය. ලොකු හෝටේල් එකක, හතරවරිගෙටම කියලා ලොකු මඟුලක් ගන්න (ප්‍රී ශූට් එකක් එහෙම කරලා) සුද්දො කැමති නෑ කියලද හිතන්නේ? හැබැයි එහෙම මගුලක් ගන්න පුළුවන් එහෙමත් සුද්දෙකුටයි.

ඇත්තටම ඔය පිටරටවල් වල ජීවන වියදම වහලෙටත් උඩය. ගෙදර රෙන්ට් එකම බර ගාණක්ය. ඊට උඩින් ඉන්ෂුවරන්ස්, ලෝන් ටික ගෙව්වම කට්ටය යන්නේ රිම් එකේය  ( මේ ලින්ක් එක ටිකක් බලමුකෝ. ඕව කියෙව්වනං අපිට එහෙන් ආධාර එපා කියනවා කට්ටිය). හැබැයි ඔය අස්සේ අයි-ෆෝන් එකක් එහෙමත් නොගත්තොත් රටේ ඉන්න බැරිය. ඒ හින්දා කොහොමෙන් හරි ඒ බොරු වියදම් ටිකටත් මුදල් හොයති. සමහර ඈයෝ ඔය වියදම් පියවන්න ජොබ් දෙකතුනක් කරති. සබ්වේ එකේ, වොල්මාට් එකේ, රජයේ කන්තෝරුවේ වැඩ කරන අය මේ දුක විදිති! ඉතිං, අල්පේච්ඡ උනානං වෙලාතියෙන්නේ ඕනකමකට වඩා නොහැකියාව හින්දයි මට හිතනෙ විදිහට.

ඕන් මගේ උත්තර ටික

1. පිටරට මිනිහගේ කියලා අමුතු සරල බවක් නැත (සරලකම හොයන්න ගොහින් කරගත්තා මදිද?). සල්ලි තියෙන මිනිහා ඕවා ලංකාවටත් වඩා උජාරුවෙන් කරයි.
2. පිටරටවල පගාව, දුෂණය අඩුයි. නිතිගරුක බව, විනය වැඩියි. මේවා කාලයක් තිස්සේ ඒ රටවල් ගොඩනගා ගත් දේවල්. ඇති යන්තං ඇත්ත කතාවක් කිව්වා!
3. පිටරටවල ක්ඳාති සංග්‍රහය නෑයි කියන එකත් බොරුවක්. ඔය ට්‍රම්ප් ලොක්කත් බෑණව (සහ දුවව) ලොකුතැන් දෙකතුනකටම දාන් ඉන්නේ!. හැබැයි සමාගම් වල කාර්යක්ෂමතාවය සඳහා ඔය දේවල් සලකනවා අඩුයි තමා (ලංකාවෙත් පෞද්ගලික අංශේ ඔය කතන්දරේ අඩුයිනෙ). සහ, රටේ ජනතාව රජයේ අංශයේ ක්ඳාති සංග්‍රහයට විරුද්දවනං හරියට කතා කරනවා (මේන් එහෙම කතා කරන අයිය කෙනෙක්).
4. ව්‍යාපාර වලට තන්හාවක් නැතිව අතඅරින සිරිසඟබෝලා පිටරටවල්වල නැත.
5. පිටරටවල අය කල්ප ගාණකෙට දිව සැම්පත් මේ ජීවිතේම විඳලා (හෝ විඳින්න ට්‍රයි කර) මැරෙති.  එලොවක් ගැන අදහන උදවිය එලොව සැපටතත් ට්‍රයි කරති.

කොටින්ම කියනවනං ඔය හිතන් ඉන්න තරම් මෙව්වා එකක් සුද්දගේ නැතිය. නමුත් විවිධ හේතූන් නිසා පිටරට ජීවත් වෙන්න පහසුකම් වැඩි බවනං ඇත්තය. අපේ අයගේ ඇතැම් අවුල් තිබ්බත්, අපි පට්ට චාටර් - මෙලෝ රහක් නැති ජාතියක් නෙවේය කියන එකයි මගේ අදහස. අනික ඊලඟ පාර මේවගේ බොලඳ පෝස්ට් හදන උදවිය සිංහල බෞද්ධ අය විතරක් යහමගට ගන්න මෙහෙම පෝස්ට් හදන එකත් හරිමදිය. එතකොට අනික් කට්ටියට දුක හිතෙන්නත් ඇහැකි! ඒ නිසා සංහිඳියාවේ නාමෙන් - මේ බොරු කම්පැරිසන් වලට අනික ඈයොත් එකක්හුකරගන්න කියලයි මගේ ඉල්ලීම!



* මේ ලිපියේ සුද්ද කියලා කිව්වාට, මේ කියන එව්වා සුදු-කළු-තලෙළු සියළු පිටරැටියන්ට අදාල බව සලකන්න.


Comments

Popular posts from this blog

රැග්කිරීම ලෝකයට ගෙනියමු!

පහුගිය දා කට්ටාකාඩුවේ ලොකු අයියයි යකා අඩවියේ  යකා මහත්තයයි රැග් සීසන් එක ගැන ලිපි දෙකක් ලියලා තිබ්බා දැක්කම මටත් හිතුනා ඒ ගැන වචනයක් දෙකක් ලියන්න. ලංකාවේ කැම්පස් වල මුල් දවස්ටිකේ වෙන දවස්වලට වඩා වෙනස් කටයුතු කීපයක් වෙනබව කට්ටියම දන්නවනෙ. ඕකට සමහරු කියනවා රැග් එක කියලා. ඔව්වා කාපුඅය ඒකට කියන්නෙ “ශිෂ්‍ය අනුගතකරණය” කියලා. ශිෂ්‍ය සංගංවල මහත්තුරුනං කියන්නෙ එහෙම දෙයක් නෑ කියලයි. එක එක අය එක එක නම් කියන හින්දා, මේ ලිපිය ඇතුලේ ඔය සංසිද්ධිය “වාතවීම” කියල හදුන්වමුකො. මුලින්ම කියන්න ඕන මේක ලියන මමනං ඔය සංසිද්ධිය අත්දැකලා නැති බව. ඒ හින්දා මේ ලියමනේ වැරැද්දක් අඩුපාඩුවක් දැක්කොත් වාත වුනු ඇත්තො පෙන්නලා දෙන්න ඕන හරිය? 

දැන් ඔය වාතවීම වාත වෙනකාලෙදිනන් පට්ට වාතයක් කියල හිතුනට, පස්සෙ කාලෙකදී ඒ අයට ඒ ගැන ලොකු අවුලක් නැතිපාටක් තමා පේන්නෙ. බොරුනං වාතවුනු කෙනෙක්ගෙන අහල බලන්නකො. මම ඇහුවමනං ඒ අය කියන්නෙම ඒක මාර අත්දැකීමක් කියලයි. සමහරු (මේ සමහරු කියලා කිව්වෙ වටින් බලන් ඉදලා පණ්ඩිතකම් කියන උදවිය) කියනවා වාතවුනාට පස්සෙ වාතෙ වාතයි කියල පිලිගන්න ලැජ්ජා හින්දා කට්ටිය බොරු කියනවා කියලා. සමහරු කියනවා වාත වෙන අය වාත…

ඉස්සරහට රස්සාවට ගහල යයිද?

2008 දි විතර ලංකාවට ආවා මචං කියලා ෆිල්ම් එකක්. මේ ෆිල්ම් එකේ හිටියා සුරේෂ් කියලා දෙමළ කොල්ලෙක්. මේ කොල්ලගේ මාමා කොළඹ හෝටලේක රස්සාවක් කරනවා. රස්සාව තමා ටොයිලට් එකට එන මිනිස්සුන්ට අත පිහින කොල කෑල්ලක් කඩල දෙන එක. ෆිල්ම් එකේ අන්තිමට, හෝටලේට එනවා අතපිහින කොල නිකුත් කරන මැෂින් එකක්. ඒ හින්දා මේ මනුස්සයගේ රස්සාව ගහල යනවා. අන්තිමේ ෆිල්ම් එකේ හැටියට මේවග දැනගත්ත ආවේගෙට සුරේෂ් මේ මැෂිම කඩලා දානවා.

මචං එකේ මේ සිද්ධිය අද මගේ ලිපියට පිවිසුමක් විදිහට ගන්නේ විශේෂ හේතුවකට. මෑත ඉතිහාසය පුරාවට විද්‍යාවේ දියුණුවත් එක්ක නොයෙක් රස්සාවල් තාක්ෂණය විසින් ඩැහැගෙන තියෙනවා. නමුත් මෙච්චරකල් ඒ විදිහට නැතිවුනේ ශ්‍රමය මූලික වුනු රස්සාවල්. උදාහරණෙකට කුඹුරක වැඩ කරපු හතර-පස් දෙනෙකුගේ රස්සාව ට්‍රැක්ටරය අත්කරන් තියෙනවා; දෙතුන් දෙනෙක් එකතු වෙලා කරපු ඇඳුම් මැසීම මහන මැසිම නිසා එක්කෙනෙකුට කරන්න පුළුවන් වෙලා තියෙනවා. ඒ වුනත් මානසික හැකියාවන් මත පදනම් වුන රස්සාවල් වලට - ලිපිකරුවන්, සංගීතකරුවන්, ගුරුවරු, ඉංජිනේරුවන් -  මේ දියුණුව මෙතෙක් ගැටළුවක් වුනේ නැහැ.

හැබැයි තාක්ෂණයේ (විශේෂයෙන් කෘතීම බුද්ධියේ -Artificial Intelligenc…

විනයක් නැතිකමත් ඇණයක්

ඉස්සර කඩේකට ගිහින් බඩුවක් ගද්දි වෙලාවකට මාර පරිප්පුවක් තමා කන්ඩ වෙන්නේ. කඩේ මුදලාලිට හරි කඩේ ඉන්න කොළුවට හරි ඕන බඩු ටික කිව්වම උන් හිතේ හැටියට ඒවා හොයනවා. කොහොම කොහොම හරි බඩු ටික එක්කහු කරගත්තම ආයෙත් පාරක් චෙක් කරලයි බඩු ටිකත් දෙන්නෙ. කොහොම හරි බඩු ටික අරන් ඉවර වෙද්දි විනාඩි විස්සක් තිහක් ගිහිල්ලා. 

ඔන්න ඔහොම වාත වෙවී ඉද්දි තමා ලංකාවට සුපර්මාර්කට් ආවේ.සුපර්මාර්කට් එකේ අපිට ඕන බඩු ටික කරත්තෙට දාගෙන ආවම, ලස්සනට ඇදල ඉන්න කැෂියර් නංගි (හෝ අක්කා) කැෂියර් එකෙන් ටකස් ගාලා බිල දාලා දෙනවා. වැඩේ හරි පහසුයි. පහසුවටත් වඩා ඔව්වට මිනිස්සු යන්නේ ආතල් එකට කියලයි ජෙහාන් ලොක්කනං කියන්නෙ (ග්‍රීස්මේ ඉවසගන්න බැරිව ඒ.සී. එක හොයන් එන අයත් නැතුවම නෙවේ). මට හිතෙන්නෙ නං ආතල් එක ද්වීතීකයි කියලයි.  මිනිස්සුන්ට වෙන ලේසිය ගැන හිතලමද කොහෙද ටික කාලයක් ගියාට පස්සේ ඔව්වයින්ම බිල් ගෙවන්නත් අවස්ථාව දුන්නා. අන්තිමට, කඩේ බඩු ගත්ත ඈයොන්ට වඩා බිල් ගෙවන උදවිය වැඩිඋනා!කොහොම හරි මං කියන්න හැදුවේ සුපර්මාර්කට් එකේ කැෂියර් පෝලිම සෑහෙන්න දිගයි ඕං.

අන්තිමේ නිකං කඩෙන් බඩුගන්න වෙලායනවා කියලා සුපර්මාර්කට් ගියපු උදවිය සුපර්මාර්කට් පෝලිමේ…